The Crëwyd ap Cefnogaeth Profedigaeth Sands ar gyfer unrhyw un sydd wedi profi marwolaeth babi.

Ei nod yw helpu rhieni a theuluoedd mewn profedigaeth i ddod o hyd i'r wybodaeth a'r cefnogaeth cywir ar yr adeg gywir. Gall yr ap hefyd gael ei ddefnyddio gan weithwyr gofal iechyd proffesiynol, a hoffai wybod beth yw'r ffordd orau o gefnogi rhieni mewn profedigaeth a'u teuluoedd.

Mae ap Cefnogaeth Profedigaeth Sands yn cynnwys gwybodaeth ac adnoddau cymorth i rieni, neiniau a theidiau, teuluoedd a ffrindiau mewn profedigaeth, am:

-    ffarwelio â'ch babi
-    dychwelyd i'r gwaith
-    gwneud penderfyniadau anodd
-    cael angladd i'ch babi
-    post-mortemau
-    perthnasoedd rhywiol ar ôl colled
-    beichiogrwydd arall
-    sut i gefnogi plant
-    a llawer mwy

Lawrlwythwch ef nawr - yn syml, cliciwch isod

Mae’r ap yn cynnwys dolenni i wefan Sands gyda manylion grwpiau cymorth lleol ar draws y DU, ffyrdd o rannu eich stori, adnoddau gofal profedigaeth Sands ar gyfer gweithwyr proffesiynol yn ogystal â manylion am ein gwaith ymchwil ac atal.

Dywedodd Dr Clea Harmer, Prif Weithredwr Sands: “Rydym yn falch iawn o allu lansio’r ap symudol cyntaf ar gyfer rhieni a theuluoedd mewn profedigaeth. Hoffem ddiolch yn fawr iawn i Nicole Regan-White am ei blynyddoedd o waith diflino ac am feddwl am y syniad a gafodd ei ysbrydoli gan ei merch fach, Jessica.

"Rydyn ni'n gobeithio bod yr ap yn helpu rhieni a theuluoedd mewn profedigaeth i wybod nad ydyn nhw ar eu pen eu hunain a'n bod ni yma i gynnig cefnogaeth a chyngor i unrhyw un sy'n cael ei effeithio gan farwolaeth babi am gyhyd ag y maen nhw ei angen. Rydym hefyd yn gobeithio y bydd yr ap yn darparu cymorth a chyngor i eraill ar sut i gefnogi rhieni a theuluoedd sydd wedi cael profedigaeth.”

Ein datganiad i'r wasg gyda dyfyniadau gan lefarwyr allweddol Sands. 

Y Stori Y Tu Ôl i'r Ap

Ysbrydolwyd y syniad i greu ap gan Nicole Regan-White, mam mewn profedigaeth, y bu ei babi Jessica yn farw-anedig. Darganfyddwch mwy am ei thaith.

Pecyn Hyrwyddo

Helpwch ni i hyrwyddo'r ap trwy eich rhwydweithiau, cylchlythyrau a chyfryngau cymdeithasol!